სარესტორნო მომსახურების სპეციალისტი – არის სპეციალისტი, რომელსაც შუძლია სხვადასხვა ტიპის კვების ობიექტების მუშაობის ორგანიზება, მომხმარებლის მიღება, კონსულტირება, მომსახურება და მაგიდის სერვირება დადგენილი ნორმების მიხედვით.

სამუშაო გარემო და დასაქმების შესაძლებლობები:

სარესტორნო საქმის სპეციალისტის საქმიანობა არის სარესტორნო და სასტუმრო საქმის სფეროს პროფესიული კვალიფიკაცია. პროფესია არის მომსახურებაზე ორიენტირებული და გულისხმობს მომხმარებლისათვის მაღალი ხარისხის მომსახურების შეთავაზებას. სხვადასხვა ტიპის კვების ობიექტები: რესტორნები, კაფეები, ბარები, სწრაფი კვების ობიექტები, სასაუზმეები, ბუნგალოები; დიდი, საშუალო და მცირე ზომის სასტუმროები, სასტუმრო სახლები, დასასვენებელი სახლები, საკურორტო კომპლექსები, გასართობი კომპლექსები, კლუბები, კაზინოები; საკრუიზო გემები; დიდი სუპერმარკეტები და სხვა ობიექტები, სადაც არის კვებითი მომსახურება.

 პროფესიული მოვალეობები და ამოცანები:

• ტურიზმისა და სტუმართმასპინძლობის საფუძვლები
• კვების ობიექტების ორგანიზაცია და სარესტორნო სერვისი
• სანიტარია და ჰიგიენა/ პირველადი სამედიცინო დახმარება
• სამეწარმეო საქმიანობის საფუძვლები
• საქმიანი ურთიერთობის კულტურა და ფსიქოლოგია
• მეტყველებისა და მართლწერის კულტურა

სასტუმრო მომსახურების სპეციალისტი არის მასპინძლობის სფეროს თანამშრომელი, რომელიც მართავს საოპერაციო და ადმინისტრაციულ პროცესებს, პასუხისმგებელია სასტუმროს ყოველდღიურ გამართულ მუშაობაზე, სტუმართა და თანამშრომელთა კმაყოფილებაზე, უსაფრთხოებაზე.

სამუშაო გარემო და დასაქმების შესაძლებლობები:

სასტუმრო მომსახურების სპეციალისტი შეიძლება დასაქმდეს სასტუმროს ნებისმიერ განყოფილებასა და სასტუმროს ტიპის დაწესებულებებში. მის მუშაობასთან დაკავშირებულია მუშაობა ცვლებსა და ღამის საათებში, ხანგრძლივად ფეხზე დგომა, სიმძიმეების აწევა-გადაადგილება, მუშაობა სტრესულ სიტუაციებში.

 პროფესიული მოვალეობები და ამოცანები:

• პერსონალისა და ადმინისტრაციული პროცესების ხელმძღვანელობა
• დაჯავშნისა და მიღება-განთავსების პროცედურების უზრუნველყოფა
• დასუფთავების მომსახურების უზრუნველყოფა
• კვების ობიექტების გამართულად მუშაობის უზრუნველყოფა
• სასტუმროს შიდა, მარტივი მარკეტინგული საქმიანობის შესრულება
• უსაფრთხოების უზრუნველყოფა
• პრობლემური სიტუაციების მართვა
• შესყიდვებისა და მარაგების მონიტორინგი

ბართენდერი პასუხ­ის­მგებელია ბარის ყოველდღიურ გამართულ მუშაობაზე, სტუმართა და თანამ­შრომელთა კმაყოფილებაზე, ჰიგიენისა და უსაფრთხოების სტანდარტების შესრუ­ლებაზე. ამავე დროს იგი ახორციელებს ანგარიშსწორებას (თუ ეს მითითებულია შინაგანაწესში). ზრუნავს პროდუქტის ხარისხზე და უშუალოდ მონაწილეობს მის გა­ყიდვაში. იცავს მომსახურების სტანდარტებს.

ბართენდერი ქმნის ღირებულებას (მატერიალურს და არამატერიალურს) მზა პროდუქციით თუ შერევის მეთოდით. ამზადებს ალკოჰოლურ და უალკოჰოლო სასმელს. აქვს შემოქმედებითი უნარი.

სამუშაო გარემო და დასაქმების შესაძლებლობები:

ბართენდერის ტიპური სამუშაო გარემოა შესაბამისად აღჭურვილი დახურული შენობა, თუმცა მას სამუშაოს შესრულება შესაძლოა მოუხდეს ღია სივრცეშიც. მისი სამუშაო საათები არანორმირებულია.

ბართენდერი შესაძლებელია დასაქმდეს კვების ობიექტებში

პროფესიული მოვალეობები და ამოცანები:

• სამუშაო გარემოს ორგანიზება
• სტუმრის მიღება
• სტუმრის მომსახურება
• ფინანსური ანგარიშსწორება
• უსაფრთხოების ნორმების დაცვა
• პროფესიული ეთიკის დაცვა
• პროფესიულ განვითარებაზე ზრუნვა

შემდუღებელს მუშაობა უხდება როგორც დახურულ, ისე ღია სივრცეში, ზოგჯერ- ფორსმაჟორულ და სტრესულ სიტუაციებში. საჭიროებს ხანგრძლივი დროის განმავლობაში ფეხზე დგომა, ხშირი სიარულს, სიმაღლეზე მუშაობას სხვადასხვა კლიმატურ პირობებში. ხშირად საჭიროებს ახალი, განსხვავებული განსხვავებული ტიპის სამუშაოებისადმი და პირობებისადმი ადაპტაციას

შემდუღებლების დასაქმების სფეროებია:

მანქანათმშენებლობა, ბინათმშენებლობა, თვითმფრინავმშენებლობა, გემთმშენებლობა, მაგისტრალური მილსადენების მშენებლობა, აირ-ნავთობის საცავების ობიექტების მშენებლობა,   რკინიგზა, სარემონტო საწარმოები, მრეწველობის და საბინაო-კომუნალური მეურნეობის სხვა დარგები.

პროფესიული მოვალეობები და ამოცანები:

• სამუშაო ადგილის მოწყობა
• უსაფრთხო მუშაობის წესების დაცვა
• შედუღებისა და ჭრის აპარატურის გამოყენება
• შედგენილი ნახაზით სამუშაოს შესრულება
• ელექტრორკალური შედუღება
• ნახშირბადიანი საკონსტრუქციო ფოლადების შედუღება
• ლითონების აირალოვანი შედუღება, ჟანგბადით და პლაზმური ჭრა
• ლეგირებული ფოლადების შედუღება
• ფერადი ლითონების შედუღება
• პლასტმასების შედუღება
• კონსტრუქციების შედუღება
• პროფესიულ განვითარებაზე ზრუნვა

პროფესია მოიცავს 1000 ვოლტს ქვემოთ ძაბვაზე მომუშავე ელექტროდანადგარების (საკაბელო ხაზების, ელექტრული მანქანების, საყოფაცხოვრებო ტექნიკისა და ა.შ.) ექსპლოატაციასა და მონტაჟს. ელექტროობის სპეციალისტი სამუშაოს ასრულებს ინჟინერ-ენერგეტიკოსის (მორიგე ინჟინრის, ცვლის უფროსის) უშუალო ხელმძღვანელობის ზედამხედველობით და ფლობს ელექტროენერგეტიკული დანადგარებისა და მოწყობილობების მონტაჟის, დიაგნოსტიკის, შეკეთებისა და მართებულად ექსპლოატაციის უნარ-ჩვევებს.

სამუშაო გარემო და დასაქმების შესაძლებლობები:

ელექტროობის სპეციალისტს სამუშაოს შესრულება უწევს შენობა-ნაგებობებში.

ელექტროობის სპეციალისტი შეიძლება დასაქმდეს ელექტროენერგიის მწარმოებელ, გადამცემ, გამანაწილებელ და მომხმარებელ ობიექტებზე. შესაძლებელია თვითდასაქმებაც.

 პროფესიული მოვალეობები და ამოცანები:

• ელექტროდანადგარების დათვალიერება
• ელექტროდანადგარებისა და ქსელების მონტაჟი
• ელექტროდანადგარებისა და ქსელების გეგმური და არაგეგმური შეკეთება
• უსაფრთხოებისა და ექსპლოატაციის წესების დაცვა
• პროფესიული განვითარებისათვის ზრუნვა

პროფესია მოიცავს  მოწყობილობების მონტაჟის, დიაგნოსტიკის, შეკეთებისა და მართებულად ექსპლოატაციის უნარ-ჩვევებს.

მძიმე სამშენებლო ტექნიკის ოპერატორი მართავს აღნიშნულ ტექნიკას სამშენებლო სამუშაოების წარმოებისას და იყენებს მას ისეთი სამუშაოების შესასრულებლად, რომლის შესრულებაც მძიმე ტექნიკის გარეშე ან შეუძლებელია ან დიდ დროს მოითხოვს. ასეთი სამუშაოებია: ამოთხრა, მასალის გადაადგილება, მკვრივი ზედაპირის გარღვევა, არხების გაჭრა, გზის საფარის გასუფთავება და სხვა.

სამუშაო გარემო და დასაქმების შესაძლებლობები:

მძიმე სამშენებლო ტექნიკის ოპერატორი აწარმოებს სამუშაოებს ბუნებრივ გარემო პირობებში, ღია ცის ქვეშ და გვირაბებში.

მძიმე სამშენებლო ტექნიკის ოპერატორი შეიძლება იყოს თვითდასაქმებული ან დასაქმდეს სხვადასხვა სამშენებლო და სამელიორაციო სამუშაოების მწარმოებელ კომპანიებში.

 პროფესიული მოვალეობები და ამოცანები:

• ტექნიკის შემოწმება
• სამუშაო ადგილის ორგანიზება
• სამუშაოების წარმოება ჰიდრავლიკური ექსკავატორით
• სამუშაოს წარმოება ავტოგრეიდერით
• სამუშაოს წარმოება სატვირთველით
• საკუთარი კომპეტენციის ფარგლებში უსაფრთხო სამუშაო გარემოს უზრუნველყოფა
• პროფესიული განვითარებისათვის ზრუნვა

ვენტილაციისა და კონდიცირების სამუშაოების შესრულება მოიცავს სამრეწველო და კომერციულ საწარმოებში, ასევე საყოფაცხოვრებო პირობებში ელექტრო გაყვანილობისა და ელექტრომოწყობილობების მონტაჟს, ექსპლუატაციას შეკეთებასა და ხარვეზების დიაგნოსტიკას.

პროფესიული მოვალეობები და ამოცანები:

• შენობებში ჰაერის კონდიცირების სისტემების მონტაჟი
• ჰაერის კონდიცირების სისტემების მოწყობა
• პირდაპირი და არაპირდაპირი ჰაერის კონდიცირების სისტემები და მათი გამართული მუშაობა
• ვარიაციული გაგრილების ჰაერის კონდიცირების სისტემების სამუშაოები
• „სპლიტ“ სისტემის ჰაერის კონდიციონერის სამუშაოები

სამუშაო გარემო და დასაქმების შესაძლებლობები:

ვენტიალციისა და კონდიცირების სამუშაოების შემსრულებელს შეუძლია დასაქმდეს გათბობის და ჰაერის კონდიცირების სისტემების მონტაჟიორად და ამ სისტემის ტექნიკური მომსახურების სპეციალისტად.

პროფესია გულისხმობს მომხმარებლისათვის მაღალხარისხიანი კერძების რეცეპტის მიხედვით მომზადებას, გაფორმებას და მიწოდებას. კულინარიული ხელოვნების სპეციალისტის სამუშაო დამოკიდებულია კვების ობიექტის სპეციფიკაზე. მუშაობს ფართო ასორტიმენტის მენიუზე შეფ მზარეულის ზედამხედველობით ან მუშაობს დამოუკიდებლად – ადგენს მენიუს, ამზადებს და აფორმებს ყველა კერძსა და დესერტს.

პროფესიული მოვალეობები და ამოცანები:

• კვების ჰიგიენის, სანიტარიის, ჯანმრთელობისა და შრომის უსაფრთხოების დაცვა
• ნედლეულისა და პროდუქტის პირველადი დამუშავება
• ნახევარფაბრიკატების მომზადება
• ქართული სამზარეულოს კერძების მომზადება
• საერთაშორისო სამზარეულოს პოპულარული კერძების მომზადება
• ცომეული ნაწარმისა და დესერტების მომზადება
• მარაგების კონტროლი

სამუშაო გარემო და დასაქმების შესაძლებლობები:

კულინარიული ხელოვნების სპეციალისტი პასუხისმგებელია სამზარეულოში საკუთარი სამუშაოს დაგეგმვისა და ორგანიზებისათვის. მას უნდა შეეძლოს სტრესულ გარემოში მუშაობა და მულტიფუნქციური დავალებების ერთდროულად შესრულება. ასევე გუნდური მუშაობა და კოლეგებთან მჭიდრო კომუნიკაცია. სამუშაოს სპეციფიკიდან გამომდინარე, მზარეული მუშაობს ღამის ცვლაში, ასრულებს ზეგანაკვეთურ სამუშაოს.

კულინარიული ხელოვნების სპეციალისტის სამუშაო ადგილებია: რესტორნები, კაფეები, სწრაფი კვების ობიექტები, სასაუზმეები, ბუნგალოები, დიდი, საშუალო და მცირე ზომის სასტუმროები, სასტუმრო სახლები, სანატორიუმები და პანსიონატები, საკურორტო კომპლექსები, გასართობი კომპლექსები, კლუბები, კაზინოები, გემები, სუპერმარკეტები, საავადმყოფოები და სხვა ობიექტები, სადაც არის კვებითი მომსახურება.

ფრჩხილის მოვლის სპეციალისტი – ახორციელებს ფრჩხილის ვიზუალის მოწესრიგებას დეკორატიული კოსმეტიკისა და სხვადასხვა ხერხის გამოყენებით

პროფესიული მოვალეობები და ამოცანები:

• ნუნების დამუშავების სხვადასხვა ტექნიკები
• ფრჩხილის მოდელირება და  დაფარვა  დეკორატიული საფარით
• ფრჩხილის დიზიანის შექმნა
• ხელისა და ფეხის ფრჩხილის გამაჯანსაღებელი პროცედურები

 სამუშაო გარემო და დასაქმების შესაძლებლობები:

ვიზაჟისტის სპეციალისტი შესაძლებელია დასაქმდეს: სილამაზის ცენტრებსა და სალონებში, საქორწინო ცენტრებში, სასტუმროებში, ფიტნეს ცენტრებში, კოსმეტოლოგიურ კაბინეტებში, ინდივიდუალურად და ყველგან, სადაც საჭიროა ამ ტიპის მომსახურება.

ბუღალტერი – სპეციალისტი, რომელიც ასახავს კომპანიის საფინანსო საქმიანობას სპეციალურ სააღრიცხო საბუთებში. მნიშვნელოვანია აღინიშნოს, რომ ბუღალტერი-არა უბრალოდ ორგანიზაციის ფინანსური განყოფილების თანამშრომელია, არამედ კომპანიის სრული ეკონომიკური მექანიზმის მატერიალური მდგრადობისა და მართებულობის კონტროლის უმნიშვნელოვანესი ნაწილია.

პროფესიული მოვალეობები და ამოცანები:

• საბუღალტრო ანგარისწორების წარმოება (თვის, კვარტალური და წლიური);
• სპეციალურ საბუღალტრო პროგრამებში მუშაობა (ორისი, 1C და სხვ.);
• საწარმოს(ორგანიზაციის) საბუღალტრო საქმიანობის ორგანიზება და დაგეგმვა;
• სხვადასხვა განყოფილებების და საწარმოს სრული სამეურნეო საქმიანობის ეკონომიკური ანალიზის კეთება;
• ანგარიშგებების საფუძველზე ორგანიზაციის რეზერვებისა და ფინანსური დანახარჯების გამოვლენა და ხარჯების ლიკვიდაციის აღმოფხვრისათვის სათანადო საქმიანობის განხორციელება;
• სახელმწიფო ბიუჯეტში გადასახადების დარიცხვა და გადარიცხვა, თანამშრომლებისათვის ხელფასების დარიცხვა, საშემოსავლოსა და სხვა გადარიცხვების შესრულება;
• ინვენტარიზაციის ჩატარება (ბუღალტრული დოკუმენტების მონაცემებისა და არსებული მატერიალური მარაგების, ფულადი საშუალებებისა და საგადასახადო ვალდებულებების შედარება). 

სამუშაო გარემო და დასაქმების შესაძლებლობები:

ბუღალტრები ესაჭიროებათ საფინანსო-საკრედიტო დაწესებულებებში, სადაზღვევო კომპანიებში, საგადასახადო-საბიუჯეტო და სახელმწიფო ორგანიზაციებში, სამრეწველო საწარმოებში. ამ პროფესიის მქონე პირებს შეუძლიათ მუშაობა სავაჭრო ობიექტებზე მთავარი ბუღალტრის, ფინანსური მენეჯერის, ბუღალტრის, სხვადასხვა დონის მმართველობის მენეჯერის, აუდიტორის, საგანმანათლებლო დაწესებულებების მასწავლებლის და ა.შ. პოზიციებზე